PENZA-TREPÇA
BOROZANI/Arkiv/E.D.
Penza përfundon stinorin e rregullt si lidere
15 April, 2018 @19:46
Vashat e ekipit pejan, Penza, kanë përfunduar me fitore stinorin e rregullt të Ligës së Femrave, duke kryer atë në vend të parë të klasifikimit me bilanc 16-2.
Penza në përballjen e fundit të stinorit të rregullt ka mposhtur Trepçën me rezultat të thellë 66-38, derisa gjashtë basketbolliste të ekipit pejan kanë shënuar 8 pikë: Saranda Daci, Jeta Zeka, Zana Zeka, Tringa Ukaj, Filloreta Krasniqi dhe Yllka Berisha.
Te Trepça, Lorena Haxha ishte më efikasja dhe mbante sadopak ekipin në lojë. Ajo shënoi 14 pikë në humbjen e ekipit.
Penza do t’ia nis me avantazh të terrenit vendas Play-Offin në Ligën e Femrave.
