Finalja, e pakalueshme për Bashkimin

Finalja e dytë e vitit me radhë dhe Bashkimi përsëri nuk e arrin trofeun.

Pas disfatës nga Sigal Prishtina në finale të Kupës, sot Bashkimi nuk ka arritur të kalojë pengesën e fundit për të marrë për herë të parë në histori të klubit një trofe ndërkombëtar.

Bashkimi është ndalë kokulur nga finalja e BIBL ku u mposht nga Levski, që në çerekun e tretë kontrolloi lojën, ngriti epërsinë dhe në atë të fundit menaxhoi mirë rezultatin, e me goditje për tre pikë prente shpresat e ekipit prizrenas.

Bashkimi kishte epërsi pas çerekut të parë, 15-18, mirëpo më pas pasoi loja e mirë e Levskit, që me 27-19 përfundoi çerekun e dytë për 42-37.

SKEMA E PLAYOFFIT DHE FINAL FOUR

Edhepse çereku i tretë shkoi baraz për kah rezultati, në çerekun e fundit Levski menaxhoi mirë ndeshjen për të fituar me 11 pikë dallim në fund, 83-72, për të marrë trofeun në Sofje.

Bozhidar Avramov me 21 pikë, 4 asistime e 4 kërcime ka qenë më efikasi te Levski, derisa ndihma e përvojës së Stanimir Marinovit ka qenë jetike për ekipin. Marinov përfundoi ndeshjen me 20 pikë, 3 kërcime e 2 asistime për të rifituar trofeun e BIBL.

Te Bashkimi, Eric Stutz ka qenë më i dalluari. Stutz shënoi 21 pikë, 8 kërcime. Aaron Moss shtoi 18 pikë, 8 kërcime e 6 asistime, ndërsa Mikaile Tmusic 15 pikë - që nuk mjaftuan në finale.

Kështu, edhepse arritje historike vetë finalja e BIBL, Bashkimi nuk arriti suksesin përfundimtar për t’u stolisur me të artën e kësaj gare.