FINAL FOUR
Vendi i tretë në BIBL, u vendos pas vazhdimeve
15 April, 2018 @16:12
Dy skuadrat më të mira të stinorit të rregullt në BIBL, Rilski dhe Blokotehna, që dje u befasuan në duelet gjysmëfinale të Final Fourit nga Bashkimi e Levski, sot kanë zhvilluar duelin për vendin e tretë në BIBL.
Ndeshja ka shkuar barabartë deri në fund, ndërsa fituesin është dashur që ta vendosin vazhdimet, ku Rilski vendas doli të jetë më i mirë, duke fituar në fund, 92-79. Në kohë të rregullt ndeshja përfundoi 77-77.
Martin Marinov me 25 pikë ka qenë më efikasi te Rilski në këtë ndeshje, derisa 18 të tjera ka shënuar Travis Taylor në fitore.
Te Blokotehna më efikasi ka qenë Danilo Mijatovic me 31 pikë.
Me këtë ndeshje, zyrtarisht Rilski ka përfunduar stinorin në BIBL në vend të tretë, ndërsa Blokotehna në vend të katërt.
