Sot, finalja!

Pas ndeshjeve gjysëmfinale të zhvilluara dje, ku fituan befasisht ekipet që arritën përmes Play-Offit dhe jo dy më të mirët e stinorit, Blokotehna e Rilski, Bashkimi dhe Levski do të kërkojnë trofeun e më të mirit të stinorit në BIBL.

Bashkimi mposhti Rilskin në sekondat e fundit të ndeshjes me pikët e Aaron Mossit, ndërsa Levski befasoi Blokotehnën gjithashtu në ditën e djeshme.

SKEMA E PLAYOFFIT dhe FINAL FOUR

As pa 24 orë pushim të plotë, skuadrat do të përballen në ndeshjen vendimtare për stinorin e tyre në ligën ballkanike, ndërsa ajo luhet me fillim prej orës 17:00 në Samokov të Bullgarisë, që është nikoqir i Final Fourit të BIBL.

Drejtësinë në përballjen finale do ta ndajnë Georgios Poursanidis (GRE), Dimitrios Bitis (GRE) dhe Aleksandar Davidov (MAQ).

Bashkimi është duke kërkuar trofeun e parë ndërkombëtar në histori të klubit. Nga ekipi nuk është raportuar të ketë mungesa para finales.

Gjithashtu, pas Sigal Prishtinës, Bashkimi bëhet ekipi i parë kosovar që arrin finalen e BIBL.

Në rast të triumfit, Bashkimi do të bëhet ekipi i dytë kosovar me trofe të BIBL, të cilën më parë e ka fituar Sigal Prishtina, dy herë.