PENZA - UNITED BASKETBALL
TOPSPORTI
Penza përkohësisht lidere
3 November, 2018 @17:51
Skuadra pejane, Penza, duke e mposhtur bindshëm United Basketballin me rezultat 84-57, përkohësisht u vendos në krye të tabelës.
Penza gjatë tërë ndeshjes ishte në epërsi ku regjistroi fitore të lehtë ndaj skuadrës gjilanase.
Taulant Dupa luajti me shifrat magjike triple-double, 17 pikë, 14 kërcime e 11 asistime, derisa u ndihmua edhe nga Ilir Shala, i cili edhe ai ishte shume afër shifrave magjike me 17 pikë, 10 kërcime e 8 asistime.
Te United Basketball më i dalluari ishte Diellor Maksuti me 16 pikë e 5 kërcime.
Penza me një ndeshje më shumë u vendos në krye të tabelës me bilanc prej 3 fitoreve e 2 humbjeve, ndërsa United Basketball ende nuk fituar pas 5 ndeshjeve të zhvilluara.
