RAHOVECI - LIPJANI
TOPSPORTI / A.P
Përkohësisht në krye
2 November, 2018 @19:34
Pas humbjes nga Prishtina në xhiron e kaluar, Rahoveci i është rikthyer fitores në takimin e luajtur sot ndaj Lipjanit në Gjakovë.
‘Vreshtarët’ ishin më të mirë sesa lipjanasit që nga fillimi i takimit dhe kishin epërsi të konsiderueshme gjatë gjithë kohës, ndërsa takimin e mbyllën me fitore me rezultat 88-66.
Më të dalluarit te Rahoveci sonte ishin Arian Qallaku me 23 pikë, 6 kërcime e 2 asistime dhe Deshon Minnis (shumë afër triple-double) me 21 pikë, 11 kërcime e 9 asistime, kurse te Lipjani më i miri sonte ishte Stacey Lambert me 18 pikë e 6 kërcime.
Kjo fitore e ngrit Rahovecin në krye, të paktën përkohësisht pasi që Prishtina ende nuk e ka zhvilluar ndeshjen e saj, kurse për Lipjanin kjo është humbja e gjashtë sezonale.
