DUELI I PARAFUNDIT
TOPSPORTI/ L. D.
Për dalje nga fundi i tabelës
4 March, 2019 @22:21
Pas dështimit të arrijë në gjysmëfinale të Kupës së Kosovës, Bashkimi i kthehet garës së Ligës Ballkanike, ku do të pret ekipin kazak Barsy Atyrau të mërkurën me fillim prej orës 19:30 në Sezai Surroi.
Bashkimi nuk ka gjasa teorike për të arritur pjesën finale të garës, pasi që deri tash ka arritur vetëm një fitore nga dhjetë ndeshje të zhvilluara në BIBL.
Të njëjtin bilanc ka edhe rivali kazak, Barsy, që është duke debutuar në këtë ligë dhe në sezonin e parë të gjitha ndeshjet po i luan jashtë parketit për shkak të largësisë së madhe që ka Kazakistani me vendet tjera pjesëmarrëse në këtë ligë.
Duelin e fundit në BIBL për këtë stinor, Bashkimi do të luaj javën tjetër më 12 mars, gjithashtu në Prizren, ku pret ekipin e Blokotehnas. Këta të fundit kanë siguruar pjesëmarrjen në PlayOff të garës.
