Peterson dhe Ahmetbasic, emra të rinj në përfaqësuese!?

Numri i basketbollistëve të huaj në listën e gjërë të përfaqësueses së Kosovës pritet të rritet edhe më tej.

Sipas burimeve të gazetës Zëri, janë edhe dy emra të rinj që pritet t’i bashkohen stërvitjeve të përfaqësueses, njëri prej tyre i njohur për basketbolldashësit kosovarë.

Janë këta Travis Peterson dhe Mirza Ahmetbasic.

I pari është basketbollist amerikan, i pozitës qendër, që së fundi është transferuar te skuadra izraelite, Hapoel Jerusalem, nga skuadra spanjolle Valencia, për të cilën luajti stinorin e fundit. Ai është 208 centimetra i gjatë dhe 31 vjeçar.

Ndërsa i dyti është ish-basketbollist i skuadrave kosovare si Bashkimi e Peja, Mirza Ahmetbasic. Basketbollisti me nënshtetësi boshnjake në kohën kur ishte në Kosovë luante si basketbollist vendor. Ai sipas Zërit, qysh sot i është bashkuar stërvitjeve të përfaqësueses.