DUELET VENDIMTARE
Play-Offi për Superligë këtë fundjavë
15 April, 2016 @14:12
Rahoveci, Drita, Kosova e Vushtrrisë dhe AS Kastrioti janë skuadrat që do të ndeshen në Play-Offin e Ligës së Parë të basketbollit duke nisur nga kjo fundjavë ashtu që të sigurojnë një biletë të sigurt dhe një tjetër potenciale për Superligë.
TABELA PËRFUNDIMTARE E LIGËS SË PARË
Fituesi i Play-Offit futet direkt në Superligë, ndërsa finalisti luan ndeshje të Play-Outit me Kerasan Prishtinën, shkruan Informatori i fundit i Komesarit të Garave.
Ndërsa në Play-Off takohen:
1. Rahoveci - 4. AS Kastrioti (Obiliq)
2. Drita - 3. Kosova (Vushtrri)
Fituesi i dueleve gjysmëfinale është ekipi që arrin së pari 2 fitore, ndërsa Rahoveci si i pari i stinorit të rregullt dhe Drita si e dyta, kanë përparësinë e terrenit vendas në rast të nevojës që të zhvillohet ndeshja e tretë.
Në finale takohen fituesit, ku ekipi i ranguar më lartë në stinorin e rregullt merr epërsinë e terrenit vendas.
Fituesi i Play-Offit do të jetë pjesë e Superligës në stinorin 2016/17.
DUELET E PARA TË PLAY-OFFit:
| E diel, 17 prill 2016, Ora 19 | KB Rahoveci - KB AS Kastrioti | Referë: Daut Mehmeti, Alban Vula, Egzon Maloku. | |
| E diel, 17 prill 2016, Ora 20 | KB Drita - KB Kosova Vushtrri | Referë: Xhelal Mumini, Fisnik Ramadani, Dardan Maxhuni. |
