Fantasy TopSporti
Të gjitha lajmet
Tabelat dhe Rezultatet

"SHANI NUSHI"

Preston Knowles - amerikani i parë i Vëllaznimit për 2022/23

Preston Knowles - amerikani i parë i Vëllaznimit për 2022/23


25 July, 2022 @14:18

Pas disa vazhdimeve të kontratave edhe për një stinor si dhe përforcimeve vendore nga ekipet tjera, Vëllaznimi sot ka zyrtarizuar edhe një përforcim - të parin lojtar të huaj për edicionin e ri të Superligës, 2022/23.

Ai është Preston Knowles, playmaker, lojtar i pozitës një, por edhe dy në fushë, ndërsa me përvojën e tij që do ta lexoni mëposhtë, pritet të thotë fjalën kryesore në ekip përgjatë vitit të rikthimit të gjakovarëve në Superligë.

Preston Knowles

“Mirë se vjen Preston Knowles! Basketbollisti amerikan, 187-centimetra i gjatë është përforcimi i parë i klubit në pozitat 1/2. Preston ka përvojë të madhe në disa nga elitat më prestigjoze në europe si Kroaci, Itali, Israel, Greqi, Ukrainë, etj.” ka shkruar njoftimi i klubit kuqezi nga Gjakova.

Përndryshe Knowles 33-vjeçar së fundi ka qenë pjesë e ekipit tajlandez Mono Vampire, ku ka luajtur me mesatare prej 12 pikësh për ndeshje, 5.9 asistimesh dhe 5.6 kërcimesh. Këto statistika janë të fundit për të, përgjatë stinorit 2019/20.

Preston Knowles

Kujtojmë, ai ishte zyrtarizuar si përforim nga Peja në shkurt të këtij viti, por nuk kishte ardhur aty!

Preston Knowles

Në karrierën e tij ai ka qenë pjesë e ekipeve si Ironi Ziona (2013-2015), AEK Larnaca (2016), Maccabi Ashdod (2016/17), Zara (2017/18), Aurora Jesi (2019).

 

 

 


 
Të gjitha lajmet nga FBK Superliga