Prishtina e Peja në pritje

Dy ekipet më të forta të basketbollit kosovar në 4 vitet e fundit, Sigal Prishtina e Peja, janë ende në pritje të konfirmimit nga FIBA për regjistrimin e lojtarëve të huaj.

Dy skuadrat janë gjobitur nga FIBA për shkak të borxheve që kanë pasur ndaj ish-basketbollistëve të tyre dhe FIBA u ka ndaluar përforcimet e huaja derisa të kryejnë obligimet.

NDESHJET E XHIROS I

Sipas një njoftimi në Koha Ditore sot, dy ekipet besojnë se deri para ndeshjeve të para të stinorit të ri gjithçka do të jetë gati dhe Sigal Prishtina e Peja do të regjistrojnë lojtarët e huaj.

Edhe Sigal Prishtina edhe Peja kanë lënë që ndeshjet e tyre të zhvillohen të dielën për shkak kësaj, ndërsa edhe Superliga u shtye për një javë, pikërisht për këtë arsye.