Fantasy TopSporti
Të gjitha lajmet
Tabelat dhe Rezultatet

PLAY OUT GAME 1: PRISHTINA E RE - RAHOVECI

Prishtina e Re befason Rahovecin, fiton ndeshjen pa lojtarin kryesor

FOTO / FBK

Prishtina e Re befason Rahovecin, fiton ndeshjen pa lojtarin kryesor


27 April, 2022 @13:54

Në ndeshjen e parë të Play Outit në kuadër të Superligës, Prishtina e Re ka befasuar Rahovecin, duke e mposhtur me rezultat 93-89.

Rahoveci në çerekun e parë ka krijuar një epërsi prej 11 pikëve, por skuadra prishtinase u këndell menjëherë dhe e ngushtoi epërsinë e vreshtarëve në 5 pikë.

Në çerekun e dytë Rahoveci e ngriti epërsin vetëm 1 pikë dhe e përfundoi pjesën e parë me rezultat 43-49.

Prishtina e Re nuk u dorëzua dhe në çerekun e tretë e ngushtoi epërsinë e vreshtarëve në 1 pikë, 70-71, derisa në çerekun e fundit e sidomos në minutat e fundit, djelmoshat e trajnerit Albert Sylemajni, arritën ta befasojnë kundërshtarin dhe shënuan fitore prej 4 pikëve.

Në mungesë të  lojtarit kryesor, Dion Haxhosaj, më të mirët te Pristina e Re ishin Mërgim Jakupi me 24 pikë, Don Polloshka me 21 pikë, 6 kërcime e 5 asistime, Arbër Sinani me 21 pikë e 7 kërcime, Art Islamaj me 13 pikë, 13 kërcime e 6 asistime dhe Adhurim Aliaj me 12 pikë, 8 kërcime e 6 asistime.

Te Rahoveci u dalluan Edmond Kryeziu me 22 pikë, TJ Dunans me 17 pikë, 8 asistime e 7 kërcime, Musab Mala me 16 pikë, 8 kërcime e 7 asistime dhe Makol Mawien me 12 pikë.

Prishtina e Re tani ka një avantazh prej 4 pikëve për në lojën e dytë dhe çdo humbje me më pak se 4 pikë, do t’i dërgon në Superligë.


 
Të gjitha lajmet nga FBK Superliga