PEJA - PRISHTINA
Prishtina i hakmirret Pejës, fiton derbin në “Karagaç”
4 November, 2021 @18:57
Në derbin e luajtur në “Karagaç”, fitues doli Prishtina duke e mposhtur Pejën me rezultat 86-93.
Në të gjitha çerekët e ndeshjes, edhe pse rezultati ishte i ngushtë, por Prishtina nuk e lëshoi epërsinë dhe hakmirret nga skuadra pejane, pasi që në ndeshjen e parë kishin pësuar.
Wendell Mitchell ishte më i miri te Prishtina me 24 pikë, derisa u ndihmua edhe nga Lejson Zeqiri me 18 pikë e 7 kërcime dhe Biram Faye i cili debutoi në Superligë me 19 pikë e 8 kërcime.
Te Peja më i daluari ishte Dardan Berisha që u rikthue nga lëndimi. Ai luajti me 27 pikë, kurse edhe Stephen Maxwell ishte ndër më të mirët me 26 pikë, por nuk mjaftoi për fitore.
Prishtina tani ka bilanc prej 5 fitoreve e 4 humbjeve dhe gjendet në pozitën e katërt, kurse Peja me 6 fitore e 4 humbje gjendet në pozitën e dytë në Superligë.
Në xhiron tjetër Prishtina takohet me Bashkimin, derisa Peja me Rahovecin.
