Prishtina, lehtë ndaj Pejës

Sigal Prishtina ka arritur të shënojë fitore relativisht të lehtë ndaj Pejës në ndeshjen që do të duhej të ishte superderbi i Kosovës. 

Mirëpo, djelmoshat e Sabit Hadzic arritën që të krijojnë epërsi të lartë në fillim të ndeshjes dhe me këtë, ata asnjëherë nuk lanë verdhezinjtë të afrohen më shumë. 

Kjo ndikoi edhe në tempon e lojës shumëherë, pasi që basketbollistët në fushë kishin fituar bindjen se kush do të fitonte e kush do të humbte në takim. 

Peja dështoi nga tentimet për tre pikë, duke arritur vetëm 19% të saktësisë - ku shënuan vetëm 6 herë nga plotë 32 tentime. Përveç Hrvoje Puljkos, askush tjetër nuk arriti të shënojë pikë dyshifrore te ekipi verdhezi, derisa Alban Veseli e Samir Shaptahovic, patën 1 tresh të shënuar nga 10 tentime për çdonjërin. 

Puljko ishte koshashënues më i mirë i ndeshjes në humbje, me 25 pikë, derisa trajneri Boris Kurtovic nuk mundi t’i shfrytëzojë fare transferet e reja, Jan Mocnik dhe Radomri Marojevic - që është edhe njëra ndër arsyet tjera të humbjes së thellë pejane. 

Te kampionët aktual në anën tjetër, gjithçka funksionoi më së miri për pesëshen startuese të Sabit Hadzicit. Të gjithë startuesit shënuan pikë dyshifrore, derisa Aaron McGhee e Edin Bavcic u treguan mbretër nën kosh me double-double prej 20 pikëve dhe 11 kërcimeve, respektivisht 12 pikë e 11 kërcimeve. 

REZULTATET, TABELA AKTUALE DHE NDESHJET E RADHËS

Statistikat ekipore:

	Sigal Prishtina	Peja
Çereku i parë	26	16
Çereku i dytë	14	16
Çereku i tretë	17	11
Çereku i katërt	30	23
Kërcime	51	28
Asistime	17	10
Bllokada	1	2
Topa të vjedhur	2	7
Topa të humbur	13	7
Tentime për tre pikë	8/19	6/32
Tentime për dy pikë	23/47	20/42
Tentime nga gjuajtjet e lira	17/20	8/11

Statistikat individuale te Sigal Prishtina

1	Aaron McGhee	20 pikë	11 kërcime	1 asistim
2	Dardan Berisha	18 pikë	8 kërcime	3 asistime
3	Jordan Hulls	13 pikë	7 kërcime	6 asistime
4	Edin Bavcic	12 pikë	11 kërcime	5 asistime
5	Edmond Azemi	12 pikë	6 kërcime
6	Blerim Mazreku	6 pikë	4 kërcime
7	Muhamed Hasani	4 pikë	2 kërcime	1 asistim
8	Leonard Mekaj	2 pikë	1 kërcim	1 asistim

Statistikat individuale te Peja

1	Hrvoje Puljko	25 pikë	5 kërcime
2	Drilon Hajrizi	9 pikë	7 kërcime	2 asistime
3	Gerti Shima	7 pikë	5 kërcime	2 asistime
4	Ephrem Davis	7 pikë	4 kërcime	1 asistim
5	Art Hajdari	6 pikë	2 kërcime	1 asistim
6	Alban Veseli	5 pikë	4 kërcime	1 asistim
7	Samir Shaptahovic	5 pikë	3 asistime	1 kërcim
8	Ardit Beqiri	2 pikë