PRISHTINA (F) - VËLLAZNIMI (F)
Prishtina pa të huajat, lehtë ndaj Vëllaznimit
16 November, 2019 @13:37
Vashat e Prishtinës e kaluan lehtë pengesën e Vëllaznimit, duke e mposhtur me rezultat 94-61.
Trajneri i Prishtinës, Fidan Shatri, në këtë ndeshje nuk i aktivizoi të huajat e skuadrës dhe lojtaren kyç Irma Konjushën, derisa mjaftoi për fitore performanca e basketbollisteve që ishin në parket.
Gjashtë basketbolliste që luajtën, që të gjitha shënuan pikë dyshifrore. Marigona Rushiti ishte koshashënuesja më e mirë me 27 pikë, derisa u dalluan edhe Era Shatri me 17 pikë, 9 kërcime e 5 asistime, Diellza Dekaj dhe Tokjona Rexhaj me nga 13 pikë, Tringa Ukaj dhe Enisa Kamerolli me 12 pikë. Kamerolli për një asistim nuk arriti shifrat triple-double. Ajo luajti gjithashtu me 12 kërcime e 9 asistime.
Te Vëllaznimi shkëlqeu Rina Hoda me 31 pikë e 8 asistime, derisa u ndihmua edhe nga Diellëza Leti me 11 pikë të tjera.
Prishtina gjendet përkohësisht në krye të tabelës me 5 fitore e 1 humbje, derisa Vëllaznimi ende nuk u njoftua me fitore.
Në xhiron tjetër Prishtina përballet me Bashkimin, kurse Vëllaznimi me Kastriotin.