Bashkimi lider i Superligës, seria shkon në 6

Bashkimi ka kapur formën më të mirë këtë stinor. Ekipi prizreas ka shënuar edhe fitoren e gjashtë radhazi këtë stinor, sonte duke e mposhtur Trepçën, për të marrë përkohësisht lidershipin në Superligë.

Mitrovicasit ia nisën mirë takimit, duke përfunduar çerekun e parë në epërsi, por pas kësaj, Bashkimi mori lojën në dorë, e kontrolloi atë deri në fund dhe arriti lehtë deri te fitorja në fund, për përfundimtaren 80-65 [16-18, 26-16, 20-17 dhe 18-14].

Më i miri te Bashkimi është treguar amerikani Terik Bridgeman, që ka kryer ndeshjen me double-double prej 29 pikëve dhe 12 kërcimeve.

TABELA AKTUALE

Pos tij janë dalluar edhe dyshja tjetër e huaj e ekipit, Corey Ross me 18 pikë, 8 kërcime e 7 asistime, si dhe Stevie Clark me 10 pikë.

Te Trepça nuk ka mjaftuar paraqitje e jashtëzakonshme e Besnik Azemit. Ai e kreu ndeshjen me doubl-double prej 25 pikëve dhe 12 kërcimeve, derisa ndihma e DJ Hanes me 18 pikë e 7 kërcime nuk mjaftoi për më shumë.

Bashkimi me këtë fitore merr lidershipin në klasifikim përkohësisht, derisa Trepça është në zonën e rrezikshme të tabelës.