PARA PLAY-OFFIT
Foto: KB Prishtina/ Q. Ternava
Prishtina paralajmëron Bashkimin
8 April, 2016 @20:49
Sigal Prishtina pa shumë telashe ka kaluar Bashkimin sot në Pallatin e Rinisë dhe të Sporteve në kryeqytet.
Të udhëhequr nga qendra amerikane Jason Washburn, bardhekaltërit kanë shënuar fitore me afro 30 pikë epërsi ndaj portokallezinjëve, duke u dhënë paralajmërimin e fundit para Play-Offit, ku do të ndeshen në gjysmëfinale.
Washburn ka përfunduar ndeshjen me double double prej 29 pikëve dhe 13 kërcimeve, ndërsa atij i ka ndihmuar edhe Mohamed Abukar me 17 pikë të shënuara për 23 minuta lojë.
Antonis Constantinides i ka dhënë mundësi të gjithë basketbollistëve të tregohen në ndeshje, ndërsa e tërë banka e Sigal Prishtinës ka shënuar së paku një pikë ndaj Bashkimit sonte, në fitoren 94-67.
Bashkimi u ndal kur u ndal qendra shqiptare Endrit Hysenagolli. Ai ka qenë drita e vetme në fillim të takimit për prizrenasit. Hysenagolli shënoi 11 pikë e 9 kërcime në ndeshje, ndërsa më efikasi te Bashkimi ka qenë Theron Bussey me 12 pikë e 3 asistime të shënuara.
Sigal Prishtina pas kësaj ndeshjeje ka 42 pikë me bilanc 19-4 një xhiro para fundit të stinorit, ndërsa Bashkimi ka 38 pikë me bilanc 15-8.
Statistikat ekipore
| Sigal Prishtina | Bashkimi | ||
| Çereku i parë | 28 | 20 | |
| Çereku i dytë | 22 | 21 | |
| Çereku i tretë | 24 | 15 | |
| Çereku i katërt | 20 | 11 | |
| Kërcime | 44 | 35 | |
| Asistime | 24 | 12 | |
| Bllokada | 2 | 3 | |
| Topa të vjedhur | 3 | 6 | |
| Topa të humbur | 10 | 10 | |
| Tentime për tre pikë | 6/21 | 8/39 | |
| Tentime nga loja | 33/64 | 23/77 | |
| Tentime nga gjuajtjet e lira | 22/28 | 13/18 |
Statistikat individuale te Sigal Prishtina
| 1 | Jason Washburn | 29 pikë | 13 kërcime | 2 bllokada |
| 2 | Mohamed Abukar | 17 pikë | 3 kërcime | 1 asistim |
| 3 | Dardan Berisha | 13 pikë | 5 kërcime | 4 asistime |
| 4 | Andrew Warren | 12 pikë | 2 kërcime | 2 asistime |
| 5 | Gerti Shima | 11 pikë | 7 kërcime | 2 asistime |
| 6 | Rinor Peci | 4 pikë | 1 kërcim | 1 top të vjedhur |
| 7 | Thomas Massamba | 3 pikë | 6 asistime | 4 kërcime |
| 8 | Edmond Azemi | 2 pikë | 2 kërcime | 2 asistime |
| 9 | Gazmend Sinani | 2 pikë | 1 kërcim | 1 asistim |
| 10 | Mergim Jakupi | 1 pikë | - | - |
| 11 | Willie Kemp | 0 pikë | 5 asistime | 4 kërcime |
Statistikat individuale te Bashkimi
| 1 | Theron Bussey | 12 pikë | 3 asistime | 1 kërcim |
| 2 | Endrit Hysenagolli | 11 pikë | 9 kërcime | 2 asistime |
| 3 | Griffin Ramme | 11 pikë | 2 topa të vjedhura | 1 kërcim |
| 4 | Rokas Uzas | 10 pikë | 9 kërcime | 4 asistime |
| 5 | Granit Rugova | 8 pikë | 6 kërcime | 1 bllokadë |
| 6 | Imer Tahiri | 7 pikë | 4 kërcime | 2 asistime |
| 7 | Andi Shehu | 5 pikë | 5 kërcime | - |
| 8 | Qëndrim Biraj | 3 pikë | - | - |
