Prishtina përmirëson koshaverazhin në Gjakovë

Sigal Prishtina ka arritur të shënojë fitore të lehtë në Gjakovë ndaj Vëllaznimit sot. 

Trajneri i ri i Sigal Prishtinës, Marjan Ilievski, ka debutuar në Superligë me fitore, pas dy disfatave që i përjetoi brenda dy javëve në ligën ballkanike. 

Dardani, më efikasi

Qendra Julian Mavunga debutoi gjithashtu për bardhekaltërit, derisa Nate Bowie dhe Julius Coles nuk ishin në formacion, për shkak të rregullores për të huaj në Superligë. 

Dardan Berisha ka qenë më efikasi te ekipi fitues me 26 pikë të shënuara, derisa e tërë pesëshja e parë shënoi pikë dyshifrore. 

Rraci, provon krejt basketbollistët

Vëllaznimi në anën tjetër, Prishtinës i bëri ballë vetëm në çerekun e tretë, ndërsa ekipi i Hashim Rracit nuk kishte fuqi më shumë ndaj kampiones. 

Korab Prekazi dhe Phil Brooks ishin më efikasit te Vëllaznimi, me 14, përkatësisht 12 pikë të shënuara, derisa te ekipi gjakovar luajtën të gjithë lojtarët që trajneri i kishte në dispozicion. 

Debutuan të ardhurit nga Besa e Pejës, Blendi Matoshi dhe Sami Hajzeri, ndërsa edhe prizrenasi Ujkan Karanezi luajti 13 minuta për të shënuar 6 pikë, pasi që erdhi nga Bashkimi. 

Fitore para superderbit

Derisa Prishtina vazhdon të mbetet në krye të tabelës, Vëllaznimi ka regjistruar disfatën e dhjetë të stinorit dhe qëndron në vendin e gjashtë të klasifikimit. 

Sigal Prishtina xhiron që vjen luan superderbin ndaj Pejës në Pallatin e Rinisë dhe të Sporteve, derisa Vëllaznimi i shkon Trepçës. 

Rezultatet dhe Tabela aktuale

Rezultatet sipas çerekëve

Koshashënuesit te Vëllaznimi

Koshashënuesit te Prishtina