YLLI-PRISHTINA
Foto: KBPrishtina/G. Bajqinovci
Prishtina siguron vendin e parë!
14 April, 2017 @20:29
Kampionja aktuale e Kosovës, Sigal Prishtina, me fitore ndaj Yllit sonte në Suharekë ka siguruar edhe vendin e parë në stinorin e rregullt të Superligës.
Me këtë, Sigal Prishtina do të ketë përparësinë e terrenit vendas në Play-Off, si në gjysmëfinale ashtu edhe në finalen potenciale.
Sa i përket ndeshjes së sontme, Sigal Prishtina e nisi furrishëm për t’i treguar dhëmbët në fillim të ndeshjes ndaj Yllit.
Çereku i parë përfundoi 15-39 në të mirë të bardhekaltërve mysafirë. Pastaj Ylli u këndell për të marrë çerekun e dytë me 33-24 dhe të tretin 24-23. Loja e mirë e Yllit vazhdoi edhe në çerekun e fundit, por kjo nuk mjaftoi për të përmbysur tërë atë avantazh të prishtinasve që e arritën në çerek të parë dhe ndeshja përfundoi me 96-110 (Ç4 24-24).
PERFORMANCAT INDIVIDUALE
Mike Moser ka qenë më efikasi te Prishtina me 29 pikë të shënuara dhe 9 kërcime. Ndërsa ëillie Kemp ka përfunduar ndeshjen me double-double prej 10 pikëve dhe 13 asistimeve. Prej vendorëve, Urim Zenelaj ka qenë më efikasi me 11 pikë të shënuara ndaj ish-ekipit të tij.
Te Ylli, dy amerikanët dhe Ergin Grosha kanë thënë fjalën kryesore sonte. Trae Anderson ka shënuar 32 pikë dhe 13 kërcime. Ergin Grosha 26 pikë e 10 kërcime, ndërsa Kevin Broën 23 pikë e 9 asistime.
BILANCI
Sigal Prishtina tash me bilanc 23-3 është fituese e stinorit të rregullt të Superligës, ndërsa Ylli mbetet në 10 fitore e ka 16 humbje.
Ylli
| 1 | Trae Anderson (40:00) | 32 pikë | 13 kërcime | 6 asistime |
| 2 | Ergin Grosha (38:55) | 26 pikë | 10 kërcime | 2 asistime |
| 3 | Kevin Brown (40:00) | 23 pikë | 9 asistime | 6 topa të vjedhur |
| 4 | Ujkan Karanezi (33:10) | 9 pikë | 6 kërcime | - |
| 5 | Etnik Asllanaj (14:38) | 6 pikë | 2 kërcime | 1 asistim |
| 6 | Getoar Arifaj (20:29) | 0 pikë | 3 kërcime | - |
| 7 | Endrit Elshani (8:57) | 0 pikë | 1 kërcim | 1 asistim |
| 8 | Dren Hoxha (1:17) | 0 pikë | - | - |
| 9 | Fatjon Fondaj (1:15) | 0 pikë | - | - |
| 10 | Flori Gashi (8:57) | 0 pikë | - | - |
| 11 | Agon Hajdari | - | - | - |
Sigal Prishtina
| 1 | Mike Moser (30:00) | 29 pikë | 9 kërcime | 5 topa të vjedhur |
| 2 | Nenad Delic (23:40) | 15 pikë | 6 kërcime | - |
| 3 | Fuquan Edwin (12:45) | 12 pikë | 2 asistime | 2 topa të vjedhur |
| 4 | Urim Zenelaj (16:19) | 11 pikë | 8 kërcime | 1 top të vjedhur |
| 5 | Drilon Hajrizi (21:56) | 10 pikë | 3 asistime | 1 top të vjedhur |
| 6 | Willie Kemp (22:51) | 10 pikë | 2 kërcime | 13 asistime |
| 7 | Jabarie Hinds (18:44) | 8 pikë | - | 3 asistime |
| 8 | Rinor Peci (21:02) | 7 pikë | 2 kërcime | 1 asistim |
| 9 | Granit Rugova (18:44) | 6 pikë | 2 kërcime | 2 asistime |
| 10 | Fisnik Rugova (10:00) | 2 pikë | - | 1 asistim |
| 11 | Gazzali Makasqi (1:15) | 0 pikë | - | - |
| 12 | Muhamedali Janjeva (4:15) | 0 pikë | - | - |
