Mekaj double-double, Peja mposht Rahovecin

Pas humbjes nga Bashkimi në ndeshjen e mbetur, që u zhvillua në mesjavë, Peja ka hapur xhiron e XXVI të Superligës me fitore.

Verdhezinjtë kanë mposhtur Rahovecin për të kaluar përkohësisht në vend të dytë të klasifikimit të Superligës, 118-80.

Fitorja e 20 e Pejës këtë stinor ka ardhur në saje të lojës së mirë të treguar veçanërisht në çerek të parë dhe të tretë të ndeshjes, kur ekipi që po drejtohet nga Bujar Loci ka bërë dallimin e madh në pikë (35-14, 24-21, 31-20 dhe 28-25).

Më efikasi te Peja ka qenë Alban Veseli, që ka shënuar 23 pikë sonte, ndërsa mbi 20 ka shënuar edhe Blendi Matoshi, që përfundoi ndeshjen me 21 të shënuara.

TABELA AKTUALE E SUPERLIGËS

Reprezentuesi i Kosovës, Leonard Mekaj, ka furnizuar bashkëlojtarët me asistime sot, duke i regjistruar 11 sosh, krahas 10 pikëve të shënuara për të kompletuar ndeshjen me double-double (i vetmi te Peja).

Pikë dyshifrore në fitore të Pejës shënuan edhe Arian Qallaku 17, Arti Hajdari 16 dhe Robert Abramovic 15.

Rahoveci në anën tjetër, që në fillim të ndeshjes pa dallimin me verdhezinjtë dhe përkundër kësaj në disa raste tentoi rikthimin në lojë, por kjo qe e pamundur, karshi një Peje të disponuar.

Mustafë Merovci shënoi 18 pikë për vreshtarët, duke qenë më efikasi në ekip, ndërsa Ronny Blanchard përfundoi ndeshjen me double-double prej 10 pikëve dhe 13 kërcimeve në 20 minuta lojë sa ishte në parket.

Peja aktualisht ka bilanc 20-6, ndërsa Rahoveci i përshëndetur nga mundësia për Play-Off, por edhe i sigurt edhe për një stinor në Superligë pas këtij debutimi 2016/17, tash ka bilanc 9-17.

Peja

Rahoveci