Prishtina s’rikthehet, Bashkimi fiton

Një çerek i katërt i shkëlqyer i Sigal Prishtinës ka bërë që përkundër epërsisë së madhe të Bashkimit, bardhekaltërit kampionë të barazojnë rezultatin dhe minutat e fundit t’i bëjnë interesante.

SERIA FINALE

Por, Bashkimi është këndellur dhe startin e dobët në çerek të fundit e ka mbrojtur disi në vazhdim, për të fituar ndeshjen e parë të serisë dhe për të anuluar epërsinë e terrenit të Prishtinës.

Bashkimi fitoi 84-81 ndeshjen e parë të serisë finale dhe tash seria bartet në Prizren.

PLAYOFF SKEMA

Prizrenasit kanë kaluar një pjesë të parë fanatastike, ndërsa nuk mbahet në mend kur Prishtina në një çerek ka shënuar vetëm 9 pikë (çereku i dytë: 9-21 për Bashkimin).

PERFORMANCAT INDIVIDUALE

Mikaile Tmusic ka qenë më efikasi te Bashkimi. Ai ka shënuar 23 pikë në fitoren, ndërsa Aaron Mossit i munguan dy asistime për të mbyllur edhe këtë ndeshje me triple-double. Ai shënoi 19 pikë, 10 kërcime e 8 asistime në fitore.

Te Prishtina, i huaji i vetëm, Filip Bundovic ka qenë më i miri. Kroati ka shënuar 26 pikë e 7 kërcime, në atë që nuk doli të jetë mjaft për të ndalur humbjen.

Edmond Azemi ka mbyllur ndeshjen me 16, ndërsa 15 të tjera shënoi Granit Rugova.

Dueli i radhës zhvillohet në Prizren të mërkurën e ardhshme.