ZYRTARËT E NDESHJES
Përcaktohen referët e ndeshjes së parë finale
10 May, 2018 @15:28
Federata e Basketbollit të Kosovës (FBK) ka bërë të ditur emrat e gjyqtarëve dhe të vëzhguesit, që do të ndajnë drejtësinë në ndeshjen e parë të serisë finale të Play-Offit të Superligës.
Kryesor do të jetë Xhelal Mumini, ndërsa gjyqtari 1 dhe 2 do të jenë: Elion Obërtinca dhe Elldin Uglari. Atdhe Goçaj do të jetë refer G, ndërsa vëzghues është Hajredin Zeka.
Seria finale e Play-Offit nis të shtunën, ku në Pallatin e Rinisë dhe të Sporteve prej orës 19:00 luhet ndeshja Sigal Prishtina - Bashkimi.
