GAME 4: JAZZ - ROCKETS
Foto: Rockets/fb
Houston afër finales së Konferencës
7 May, 2018 @12:49
Lideri i Konferencës Perëndimore, Houston Rockets, duke e mposhtur Utah Jazzin me rezultat 100-87, arriti fitoren e tretë në këtë seri.
Që në pjesë të parë të ndeshjes, Houstoni arriti një epërsi prej 10 pikëve. Më pas në pjesën e dytë e kontrolloi këtë ndeshje deri në fund dhe arriti që të fitojë me epërsi prej 13 pikëve.
Chris Paul me 27 pikë dhe James Harden me 24 tjera ishin më të mirët te raktetat. Dyshja, ndihmë mjaft të madhe kishin edhe nga Clint Capela i cili luajti me 12 pikë, 15 kërcime dhe 6 bllokada.
Te Utah u dallua Donovan Mitchell me 25 pikë të shënuara.
Houstoni është 3-1 në epërsi në seri, derisa ndeshja e pestë do të luhet te palestra e Houston Rockets, Toyota Center, më 8 maj.
