GAME 3: PELICANS - WARRIORS
Foto: nba.com
Davis & Rondo i hapin telashe kampionit
5 May, 2018 @10:30
Kampioni aktual i NBA-së, Golden State Warriors, sot në mëngjes u befasua nga New Orleans Pelicans, duke u mposhtur me rezultat 119-100.
Mbrojtja e Warriorsave, nuk arriti që të ngadalësojë dyshen Anthony Davis e Rajon Rondo, të cilët ia sollën fitoren e parë pelikanëve në seri.
Pelikanët, epërsinë gjatë ndeshjes e ngritën deri në 26 pikë, kurse dallimi u bë në çerekun e tretë.
Anthony Davis luajti me 33 pikë e 18 kërcime, kurse Rajon Rondo i bëri 21 asistime dhe i rrëmbeu 10 kërcime.
Te Golden State, më i miri ishte Klay Thompson me 26 pikë të shënuara.
Rezultati në seri është 2-1 në favor të Golden State Warriorsit, derisa edhe ndeshja e katërt do të luhet në palestrën e Pelicansit më 6 maj.
