FIBA EUROPE CUP FINAL
Reyer Venezia triumfon në FIBA Europe Cup
2 May, 2018 @23:01
Me fitore edhe në ndeshjen e dytë finale, 81-79 sonte, Umana Reyer Venezia, është fitues i FIBA Europe Cup për vitin 2018.
Ekipi i Venezias i drejtuar nga Walter De Raffaele, ka mposhtur Scandone Avellinon e Stefano Sacripantit, në duelin italian të finales së garës, ndërsa ka mbrojtur epërsinë nga dueli i parë që e kishte fituar 77-69.
Hrvoje Peric dhe Marquez Haynes me nga 16 pikë dhe Austin Daye me 15, kanë qenë lojtarët më efikas te Venezia sonte.
E te Avellino, 32 pikët e Jason Richit si dhe 21 të tjera të Kyrylo Fesenkos, nuk mjaftua për rikthim.
Kjo ka qenë Kupa e parë në gara europiane e fituar nga ekipi venecian i basketbollit.
