DREJT FINALES
Foto: Nymburk/fb
Berisha më efikasi në fitoren e radhës
4 May, 2018 @22:15
Dardan Berisha ka shkëlqyer edhe në ndeshjen e tretë të serisë gjysmëfinale të PlayOffit të Çekisë, ku ka shënuar 19 pikë në fitoren e ekipit të tij, Nymburk.
Nymburk ka shënuar fitore sonte ndaj Dekstone Svitavyt 94-68 si mysafir dhe me këtë ka marrë epërsinë 3-0 në serinë gjysmëfinale të PlayOffit.
Kapiteni i Kosovës, ka qenë më efikasi në ndeshje, ndërsa ka shtuar edhe 4 asistime e 3 topa të rrëmbyer në fitore, ku ka pasur 50% saktësi për tre pikë, duke shënuar 4 prej 8 tentimeve.
Ekipit të Nymburkut i duhet edhe një fitore për të arritur në finale të elitës së basketbollit çek.
