GAME 2: RAPTORS - CAVS
Foto: nba.com
LeBron show në Toronto
4 May, 2018 @10:15
Cleveland Cavaliers duke e mposhtur Toronto Raptorsin edhe në ndeshjen e dytë me rezultat 128-110, kaloi 2-0 në epërsi në serinë gjysmëfinale të Konferencës Lindore.
Toronto Raptors, e mbylli pjesën e parë me dy pikë epërsi, por më pas, perfomanca fenomenale e Jamesit, bëri që skuadra e tij të udhëtojë në shtëpi me një super avantazh.
LeBron James shpërtheu me 43 pikë, 14 asistime e 8 kërcime, derisa u ndihmua edhe nga Kevin Love me 31 pikë e 11 kërcime të tjera.
Në anën tjetër, DeMar DeRozan u dallua me 24 pikë.
Tani dy ndeshjet e radhës do të luhen në palestrën e Clevelandit, të cilët e kanë avantazhin prej 2-0 në rezultat dhe mund të plasohen në finale të Konferencës në rast të dy fitoreve radhazi.
