FINAL SERIES
Termini i ndeshjes së parë finale
7 May, 2018 @14:22
Pas një jave pushim, ekipet që kanë siguruar finalen e Play-Offit të Superligës do t’ia nisin betejave të fundit, në luftë për titullin kampion.
FBK ka bërë të ditur sot se ndeshja e parë e serisë finale ndërmjet Sigal Prishtinës dhe Bashkimit do të zhvillohet të shtunën me fillim në ora 19:00 në Pallatin e Rinisë dhe të Sporteve në kryeqytet.
Sigal Prishtina dhe Bashkimi kaluan gjysmëfinalet pa problem, duke i mposhtur kundërshtarët e tyre 3-0 në seri.
Finalja do të luhet në sistemin, 1-1-1-1-1, ku Sigal Prishtina ka epërsinë e terrenit vendas në rast se seria shkon deri në 5 ndeshje.
Kampion i stinorit 2017/18 shpallet ekipi që arrin 3 fitore.
