RedBull Reign çon më të mirët në SHBA

Një garë e re, interesante e organizuar nga Red Bull, që do të mbahet për herë të parë në Kosovë - do ta dërgojë ekipin më të mirë të vendit në finalen botërore, që do të mbahet në SHBA.

Red Bull Reign është garë basketbolli, e cila përdor një sistem unik të rregullave duke u bazuar në rregulloren e FIBAs, me sistemin e veçantë të vlerësimit, sistemin kumulativ. Ekipi me më së shumti pikë vazhdon përpara. Me më shumë se 25 shtete, ekipet nga 4 lojtarë garojnë në ndeshje 8 minutëshe. Gara është e hapur për ekipe nga 3 deri në 4 lojtarë, të moshës 16 +; Pjesëmarrës meshkuj dhe femra janë të mirëseardhur.

Ekipet do të garojnë me shkathtësi dhe shpresë që të fitojnë një udhëtim special në vendin e Goodman League, Barry Farms - Washington D.C. për të përfaqësuar Kosovën në finalen botërore.

Gara do të zhvillohet në Prizren dhe Prishtinë, e më pas finalja e madhe do të mbahet në sheshin Zahir Pajaziti të Prishtinës.

PRIZREN 12 dhe 13 MAJ 2018

Ora 11:00;
Fusha e sportit: Andrra;

PRISHTINË 17 dhe 18 MAJ 2018

Ora 11:00;
Fusha e sportit: 1 Tetori;

FINALJA E MADHE KOMBËTARE:

26 MAJ 2018
Ora 12:00
Sheshi Zahir Pajaziti, PRISHTINË.

Ndeshjet kualifikuese luhen me raunde. Raundi i parë përbëhet nga 12 ekipe që caktohen me short. Nga këto, 8 ekipe me më së shumti pikë të shënuara do të vazhdojnë në raundin e dytë.

Në fazën kualifikuese marrin pjesë 24 ekipe (4 grupe me nga 6 ekipe).

Finalja kombëtare mbahet në Prishtinë, ku 8 ekipet fituese nga secili qytet do të ndeshet mes veti.

E më 26 maj, në mesditë, zhvillohet finalja kombëtare që do të përcaktojë grupin fitues dhe njëkohësisht përfaqësuesen kosovare në SHBA.