Teuta barazon, kampioni vendoset në ndeshjen e pestë

Ka shënuar fitore në ndeshjen e katërt të serisë ekipi durrësak dhe tashmë gjithçka do të vendoset në përballjen përfundimtare, ndeshjen e pestë të serisë.

Teuta mposhti Tiranën sonte në Ramazan Njala të Durrësit 83-73 për të barazuar serinë në 2-2 dhe tashmë titulli kampion do të vendoset në kryeqytet, në Asllan Rusi.

Seria finale e kampionatit shqiptar ka qenë tejet interesante këtë stinor. Tirana nisi si vendase serinë dhe u mposht. Teuta morri epërsinë 0-1 dhe në Durrës u mposht, ku u barazua seria 1-1.

Më pas, Tirana fitoi si vendase 2-1 dhe kishte mundësinë që sonte të shpallej kampione.

Por, durrësakët me lojë të mirë në fund, barazuan serinë në 2-2 dhe tashmë - më 13 maj 2018 me fillim në ora 17:00 në Asllan Rusi do të mësohet përfundimisht kampioni i këtij stinori të Shqipërisë.