PEJA - PRIZRENI
Prizreni në super-formë, e 5-ta rresht
24 December, 2020 @17:12
Prizreni ka regjistruar edhe fitoren e pestë rresht.
Djelmoshat e trajnerit Arbnor Rifati, e mposhtën Pejën me rezultat 79-93.
Peja gjatë ndeshjes ishte në epërsi vetëm me 3 pikë , e në shumicën e kohës Prizreni e dominoi ndeshjen për ta regjistruar fitoren e radhës.
Josh Martin me 23 pikë e 14 kërcime ishte më i miri te Prizreni, derisa debutoi edhe Jeremiah Paige me 19 pikë, 3 kërcime e 3 asistime.
Gjithashtu u dalluan edhe Xavier Cannefax me 18 pikë e 10 asistime dhe Blendi Matoshi me 18 pikë.
Te Peja, Drilon Hajrizi shkëlqeu me triple-double prej 31 pikëve, 13 kërcimeve e 10 asistimeve, derisa nuk luajti në këtë ndeshje ylli Dardan Berisha.
Që të dyja skuadrat i kanë nga 7 fitore e 3 humbje.
Prizreni në xhiron tjetër takohet me liderin Rahoveci, kurse Peja me Bashkimin.