KBF BASHKIMI - KBF VËLLAZNIMI
Prova para Play Offit kalohet me sukses
2 April, 2021 @18:46
Vashat e Bashkimit pa telashe e mposhtën Vashat e Vëllaznimit me rezultat 85-70.
Bashkimi nuk e lëshoi epërsinë në asnjë moment deri në fund të ndeshjes.
Saranda Daci me 32 pikë, 16 kërcime, 6 asistime e 1 bllokadë ishte më e dalluara te Bashkimi. Ajo u ndihmua edhe nga Irma Konjusha me 15 pikë, 8 asistime e 4 kërcime dhe nga Aisha Balarabe me 14 pikë, 17 kërcime e 4 asistime.
Te Vëllaznimi u veçuan Raven Baker me 30 pikë e 10 kërcime, Sarah Mgbeike me 16 pikë e 10 kërcime dhe Diellza Leti me 14 pikë të tjera.
Bashkimi me 18 fitore e 2 humbje e përfundoi stinorin e rregullt dhe do ta startojë Play Offin nga pozita e parë, kurse Vëllaznimi ka bilanc prej 12 fitoreve e 8 humbje dhe pikërisht do të përballet me Bashkimin në Play Off.
