Pse është i suksesshëm Luka Doncic?

Trajneri i Sllovenisë, Igor Kokosov, ka folur për mediat amerikane pas debutimit të Luka Doncicit në NBA.

Kokosov ndër të tjera ka thënë se asnjëherë nuk ka dyshuar në aftësitë e Doncicit dhe vetëm e ka pritur momentin kur do të përfundojë në NBA.

“Gjatësia e tij dhe aftësia e pasimit është e jashtëzakonshme. Mendoj që pjesa më e vështirë e basketbollit është pasimi. Jo teknika e pasimit, por ajo pjesa e ndërtimit të lojës. Për të qenë dikush që mund të pasojë mirë, duhet të kuptoni mirë lojën dhe të lexoni krejt situatën që ndodh në atë moment në terren të lojës. Kjo është IQ basketbollistike,” ka thënë Kokosov.

Për trajnerin në fjalë, Doncic këtë e ka dhe atë në nivel të lartë.

“Ai është shumë, shumë lojtar i mençur. Ai lexon situatën në terren, nuk është vetjak gjatë lojës dhe kjo bën që edhe bashkëlojtarët e tij të duken më të mirë në lojë. E nëse e shikojmë se sa vjet i ka ai, atëherë loja e tij është jashtëzakonisht e pjekur,” ka përfunduar Kokosov.

Doncic këtë vit është duke debutuar në NBA. Pasi fitoi Euroligën me Real Madridin, Eurobasketin me Slloveninë, basketbollisti që mund të konkurrojë për të mirin ndonjëherë të Evropës, pritet të ketë karrierë të bujshme edhe në NBA.

Përndryshe, ai është vetëm 19 vjeçar.