ERGIN GROSHA
Foto: KBPeja/fb
Pse të mos befasojmë?!
11 February, 2020 @23:58
Basketbollisti i Feronikelit, Ergin Grosha, që do të luajë kundër ish-skuadrës së tij në Final 8 të Kupës së Kosovës, Bashkimit, në deklaratën e tij para duelit ka thënë se ekipi i tij synon të befasojë.
Duke e ditur fuqinë e ekipit dhe synimin për të mbijetuar në stinorin e parë të skuadrës në Superligë, Grosha ka thënë se ekipi i tij do të tentojë më të mirën në debutimin e tyre në Final 8 të Kupës.
“Duke marrë parasysh që është pjesëmarrja e parë e klubit në Final 8, jemi shumë të motivuar për Kupë. Deri më tani kemi zhvilluar ndeshje shumë të mira dhe pse mos të jemi befasia e Kupës,” ka thënë Grosha për faqen zyrtare të FBK-së.
Feronikeli ndeshjen e tij në Final 8 të Kupës do ta zhvillojë kundër Bashkimit të Prizrenit në duelin që nis prej orës 16:30 në Mizahir Isma të Rahovecit.
