FINAL 4: YLLI - BASHKIMI
Radovic me Yllin bën mrekullinë, eliminon dy kampionët e fundit të Kosovës, arrin finalen
13 February, 2020 @18:48
Pas eliminimit të kampiones aktuale dhe mbrojtëses së trofeut, Prishtinës, në çerekfinale, Ylli i drejtuar nga trajneri Dragan Radovic ka arritur të mposht edhe kampionin e parafundit të Superligës, Bashkimin, për të arritur finalen e madhe të Kupës së Kosovës.
Yjet e Yllit kanë shndërritur në parket sot, dhe me paraqitje të mirë në çerek të tretë ka fituar ndeshjen, pasi që prizrenasit nuk kanë arritur të kthehen në lojë sikurse në çerek të dytë dhe janë mposhtur 79-69 [24-12, 12-23, 18-11 dhe 23-23].
Për më tepër, kjo super arritje e Yllit është bërë as pa pushuar 24 orë lojtarët prej ndeshjes gjysmëfinale. Të rraskapitur, por me motiv fascinant.
Devonte Brown me 17 pikë ka qenë më efikasi te Ylli, ndërsa Egzon Kuqi dha 14 pikë të tjera në fitore. Me double-double kreu ndeshjen Jamal McKay, 10 pikë + 15 kërcime, ndërsa Samir Zekiqi dha 10 pikë e 5 kërcime në fitore.
Te Bashkimi vetëm treshja e huaj, Corey Ross, Stevie Clark dhe Terik Bridgeman dhanë pikë dyshifrore. I pari 18, i dyti 19, ndërsa i treti 16 pikë.
Ylli, në finale pret fituesin e duelit Rahoveci - Peja.