Rahoveci bindshëm, mbi Yllin

Me një performancë brilante, Rahoveci ka arritur të shënojë fitore ndaj Yllit në duelin që pritet të jetë çelës për Play-Offin e parë në histori të klubit.

Fitorja bindëse, 97-73, dhe e treta këtë stinor për Rahovecin ndaj Yllit, bën që në rast të përfundimit të stinorit të rregullt me pikë të barabarta, Rahoveci të jetë mbi Yllin në klasifikim.

TABELA AKTUALE

Sa i përket fitores së sontme, Muhamed Hasani me double-double ka qenë ndër më të dalluarit, duke shënuar 12 pikë, 10 kërcime e 4 asistime.

Ndërsa më efikasi ka qenë Mark Williams. Amerikani ka qenë njeriu i ndeshjes sonte te Rahoveci, pasi që ka qenë në fushë për 40 minuta pa pushim, 23 pikë, 13 kërcime e 5 asistime në fitore.

Tyler Deihl dhe Arti Hajdari gjithashtu kanë kontribuuar mjaft me pikë. I pari shënoi 20, ndërsa pejani, 21 sosh.

Te Ylli, që për të tretën herë këtë stinor u mposht nga Rahoveci më efikasi ka qenë, Mike Harmon me 17 pikë, ndërsa nga 15 shënuan Leonard Mekaj e Dragan Sekelja.

Tash Rahoveci e Ylli kanë bilanc të njejtë 13-10.