KALAJA - UNITED BASKETBALL
BOROZANI/ Arian Paçarizi
United Basketball fiton dramën në Prizren
18 March, 2018 @10:17
Ndeshja ndërmjet Kalasë dhe United Basketball, përfundoi me fitoren e skuadrës gjilanase United Basketball, që e mposhtën kundërshtarin me rezultat 64-66.
United Basketball, gjatë ndeshjes e ngriti epërsinë edhe mbi 10 pikë, por lojtarët e Kalasë nuk u dorëzuan deri në fund të ndeshjes, ku e zbritën epërsinë deri në dy pikë.
Gjithashtu skuadra prizrenase e kishte rastin për ta dërguar ndeshjen në vazhdime, por nuk arritën të shënojnë në fund.
Te United Basketball më të dalluarit ishin Qëndrim Demi e Arian Memeti, derisa te Kalaja Somel Shaqiri e Xavier Newson.
Gjatë ndeshjes, te Kalaja u përjashtua trajneri Arbnor Rifati me dy gabime teknike, derisa edhe lojtari Ylli Gashi u ndëshkua me gabim teknik.
Kjo ishte fitorja e nëntë e United Basketballit, derisa kanë vetëm një humbje dhe gjenden në krye të tabelës, kurse Kalaja aktualisht gjendet në pozitën e dytë, me një lojë më shumë se Lipjani që do të luaj sot kundër Megasportsit në ora 17:00.
