PERFEKCIONI VAZHDON
Rahoveci pranë fundit perfekt
2 April, 2016 @17:47
Seria e pamposhtshmërisë së Rahovecit në Ligë të Parë të basketbollit ka vazhduar edhe sot, në xhiron e parafundit të stinorit të rregullt.
Ekipi i drejtuar nga Valentin Spaqi ka shënuar fitore ndaj AS Kastriotit në Obiliq sot me mbi 30 pikë epërsi, duke i mposhtur ata 71-106.
Kjo ka qenë fitorja e 19 me radhë për Rahovecin këtë stinor, që ka edhe një xhiro të mbetur për ta zhvilluar për të regjistruar rekordin perfekt në stinorin e rregullt në Ligë të Parë.
Në anën tjetër, AS Kastrioti pas kësaj ndeshjeje ka bilanc, 13-6.
