Rahoveci transferon Gazmend Sinanin

Përmes një postimi në faqen e Facebookut, klubi i Rahovecit ka njoftuar opinionin me transferimin më të ri.

Bëhet fjalë për basketbollistin Gazmend Sinani, i cili që nga sot është zyrtarisht pjesë e ‘Vreshtarëve’.

Lojtari në fjalë këtë fillim sezoni ishte pa ekip për shkak të një lëndimi që e kishte, mirëpo që nga sot Sinani është pjesë e klubit të Rahovecit dhe sipas njoftimit në Facebook, ai do të jetë i gatshëm për ndeshjen që Rahoveci e luan të premtën ndaj Pejës.

TABELA AKTUALE SUPERLIGA

Siç dihet, Gazmend Sinani është edhe pjesë e Përfaqësueses së Kosovës në basketboll, ndërsa sezonin e kaluar ishte pjesë e Bashkimit, skuadër me të cilën u shpall nënkampion i Kosovës.