Raketa zbret në tokë

Pas tre fitoreve radhazi Houston Rockets u gjunjëzua në Staples Center nga Los Angeles Clippers.

Skuadra e dytë nga Los Angelesi gjatë tërë ndeshjes ishte në epërsi dhe dukej se ishin të motivuar shumë, ku e përfunduan ndeshjen me rezultat 137-118.

Më i miri tek Clippers ishte, J.J. Redick, i cili luajti me 26 pikë, gjithashtu edhe Chris Paul i shtoi 23 pikë të tjera për skuadrën dhe i bëri 17 asistime.

Ndërsa pas ndeshjes Blake Griffin tha: 

“Jemi duke luajtur me një ritëm shumë të mirë, ne ishim të aftë të shënojmë shpejtë dhe ishim të saktë, kjo është ajo që ne kërkojmë” transmeton nba.com fjalët e yllit të Clippersit.

Me këtë fitore LAC u vendos në krye të Konferencës Perendimore, me tre fitore e një humbje. Ndeshjen e radhës do ta luajnë kundër Orlandos.

Video

Performanca e Chris Paul