LAMARCUS REED
KB PEJA/ Korniza
Reed largohet nga Peja, transferohet në Rumani
4 February, 2017 @11:27
Njëri prej basketbollistëve më të dalluar te Peja në këtë stinor, LaMarcus Reed, nuk do të jetë më pjesë e ekipit verdhezi.
Reed është larguar nga Peja, për të nënshkruar me skuadrën, Targu Mures, që është nënkampione aktuale e Rumanisë.
Lajmi është konfirmuar nga vet skuadra rumune, ku thuhej se Reed tashmë i është bashkuar skuadrës dhe është në pritje për të debutuar të dielën (nesër), derisa nga ana e klubit pejan ende nuk ka asnjë njoftim zyrtar.
Reed në Targu Mures do ta zëvendësojë basketbollistin e larguar më parë, Alhaji Mohammed, ish lojtar i Sigal Prishtinës.
Basketbollisti amerikan me Pejën ka pasur mesatare prej 13.6 pikëve në Superligë, 12.8 pikëve në Ligën Ballkanike dhe 17.7 pikëve në FIBA Europe Cup.
