Referi i Bashkimi-Prishtina, dënohet

Komesari i Garave të FBK-së, ka dënuar referin e tretë të ndeshjes gjysmëfinale të Kupës së Kosovës Bashkimi - Sigal Prishtina. 

Referi Dardan Maxhuni është dënuar me 2 ndeshje mos-delegim ka shkruar vendimi i Komesarit të Garave, Bajrush Ademi. 

“Për ndarje jo të mirë të drejtësisë konform nenit 54.9 të Propozicioneve të Garave, dënohet me 2 ndeshje mos-delegim në tempo të delegimit,” ka shkruar Vendimi i botuar. 

Ndeshja Bashkimi - Sigal Prishtina përfundoi me fitoren e bardhekaltërve me rezultat të ngushtë 80-83, ndërsa pala humbëse u ankua në referim pas ndeshjes, por jo zyrtarisht. 

Sigal Prishtina pasi kaloi Bashkimin në gjysmëfinale të Final Fourit 2016, mposhti edhe Pejën në finale për të fituar Kupën e Kosovës.