Rekordin si lojtar, po e thyen si trajner

Steve Kerr është pranë diçkaje që më parë nuk e ka arritur askush dhe kjo për herë të dytë.

Ai ka qenë pjesë e Chicago Bullsit legjendar të vitit 1995/96 kur patën arritur shifrën e 72 fitoreve në stinorin e rregullt.

Sot, ai ka barazuar këtë rekord si trajner i ekipit të Golden State Warriors, duke e arritur këtë shifër prej 72 fitoreve në stinor.

Ndërsa në ndeshjen e fundit të stinorit të rregullt ai do të mund ta thyejë atë, me 73 fitore nëse mposht Memphisin.

Në pyetjen Warriors 2015/16 apo Bulls 1995/96 Kerr ka thënë:

“Pyetje e vështirë për tu përgjigjur, jo vetëm pse po i krahasoni epokat, por edhe gramatikisht e vështirë. Unë nuk e di kush është “ne” dhe kush janë “ata” që po më pyesni. Do të them kështu: Nëse dy ekipet do të luanin mes veti, nuk ka dilemë se ne do ta fitonim ekipin tonë,” ka thënë Kerr.