KERASAN PRISHTINA - UNITED BASKETBALL
Rexhepi 30 pikë, për fitoren e dytë të ekipit
25 October, 2018 @21:41
Kerasan Prishtina me lehtësi e mposhti skuadrën gjilanase United Basketball me rezultat 88-62.
Djelmoshat e trajnerit Dritëro Sefaja, ishin në epërsi gjatë gjithë ndeshjes. Te Kerasani më i dalluari ishte Donat Rexhepi që nuk pushoi asnjë minutë dhe luajti me 30 pikë e 5 kërcime.
Donati u ndihmua edhe nga Dion Pllana me 16 pikë, Liron Hyseni me 14 dhe nga Endrit Berisha me 13 pikë të tjera.
Te United Basketball, më i dalluari ishte Laurant Ibrahimi me 28 pikë dhe 14 kërcime. Lauranti gjithashtu është trajner i kësaj skuadreje.
Kjo ishte fitorja e dytë e Kerasan Prishtinës pas 3 xhirove të zhvilluara, ndërsa United Basketball ende nuk u njoftua me fitore sivjet.
