NETS - T-WOLVES
Rose kujdeset për fitoren e Minnesotës
23 November, 2018 @22:29
Pas shumë lëndimeve gjatë karrierës së tij, ish-MVP i NBA-së, Derrick Rose, sivjet është duke treguar performanca si në vitet e arta që i kaloi.
Në ndeshjen që përfundoi pak më parë, Minnesota Timberwolves e mposhti Brooklyn Netsin me rezultat 102-112.
Derrick Rose ishte më i dalluari te Minnesota. Rose luajti me 25 pikë, derisa u ndihmua edhe nga Karl Anthony Towns me 21 pikë të tjera.
Te Brooklyni më i veçuari ishte Spencer Dinwiddie me 18 pikë e 8 asistime.
Kjo ishte fitorja e tetë e Minnesotës krahas 11 humbjeve që i kanë, derisa Brooklyn Nets ka bilanc prej 8 fitoreve e 12 humbjeve.
