Kingu nuk mëshiron as Cavsin

Pas transferimit te skuadra e Lakersit, Lebron James për herë të parë luajti kundër ish-skuadrës së tij Cleveland në Quicken Loans Arena.

Cleveland pas largimit të Jamesit u bë skuadra me më së paku fitore deri më tani, por në ndeshjen kundër Lakersit ishte afër për ta befasuar kundërshtarin.

Në pesë minutat e fundit, skuadra e trajnerit Luke Walton, ishte nëntë pikë në disavantazh, por performanca fenomenale e LeBron Jamesit, bëri që të mos befasohen dhe ta mposhtin kundërshtarin me rezultat 105-109.

King Jamesi në këtë ndeshje shkëlqeu me 32 pikë, 14 kërcime e 7 asistime, derisa u ndihmua edhe nga Lonzo Ball me 15 pikë, 7 kërcime e 6 asisime.

Te Clevelandi më i dalluari ishte turku Cedi Osman me 21 pikë, duke qenë i saktë nga vija e treshit 5 herë në 7 tentimet e tij.

TABELA AKTUALE

Kjo ishte fitorja e dhjetë e Lakersit krahas shtatë humbjeve që i kanë dhe gjenden në pozitën e shtatë në Konferencën Perëndimore, derisa Clevelandi me dy fitore e 14 humbje është në fund të tabelës në Konferencën Linore.