Rose operohet përsëri, shkon stinori!

Derrick Rose, lojtari më i mirë i Chicago Bullsave do të duhet të hyjë në operacion për të shëruar meniskusin e tij në këmbë të djathtë. 

Ky është lajmi shokues që është lëshuar nga vetë ekipi i Demave, derisa mbrëmë vonë MRI ka vërtetuar konstatimin e mjekëve pas dhimbjes që e kishte basketbollisti në fjalë. 

Rose, që kishte lënduar ligamentin në ndeshjen e parë të PlayOffit të vitit 2012 ndaj Philapdelphias, prej asaj kohe nuk u rehatua kurrë më, pasi që gjatë vitit 2013 e humbi tërë stinorin deri në rikthim. 

Chicago Bulls në njoftim ka shkruar se rikthimi i yllit të tyre 26 vjeçar në palestra do të mund të parashikohet vetëm pas operimit.