Rron Dahsyla vazhdon me Vëllaznimin

Njëri ndër lojtarët që pritet të rritet edhe më në aspketin basketbollistik, Rron Dahsyla, ka vazhduar kontratën me KB Vëllaznimin edhe për një stinor.

Dahsyla djersit edhe fanellat e Kosovës U20 e U18, ndërsa përvoja e tij nga garat ndërkombëtare do të jetë e mirë se ardhur për kuqezinjtë.

Gjithashtu, Rroni ka qenë pjesë e Gjakovës së Re në ligën më të ulët të Kosovës të basketbollit, ku gjithashtu ka marrë vendin e parë sikurse me Vëllaznimin në Ligë të Parë 2021/22.

Basketbollisti 17-vjeçar është zyrtarizuar sot nga klubi i tij.

“Edhe një sezon kuqezi. Pas një sezoni të suksesshëm ku u bë kampion me dy ekipe (Vëllaznimi e Gjakova e Re), Rroni vazhdon të jetë pjesë e KB Vëllaznimit edhe për një sezon. Lojtari i kombëtares U20 dhe U18 do të jetë ndihmesë shumë e madhe për klubin. We love you Rroni,” - ka shkruar njoftimi i KB Vëllaznimi sot.