Rrufeja godet Cavsin

Oklahoma City Thunder, duke dominuar në “Quicken Loans Arena” të Clevelandit, e mposhti kundërshtarin me rezultat 148-124.

Thunder, gjatë ndeshjes e ngriti epërsinë deri në 31 pikë dhe deri në fund të ndeshjes nuk kaloi në disavantazh duke regjistruar fitore të rëndësishme në rrugëtimin për Play Off.

Katërshja, George (36 pikë), Anthony (29), Adams (25) dhe Westbrook (23), ishin që luajtën me pikë dyshifrore, derisa ky i fundit për një kërcim nuk arriti të regjistrojë triple-double në statistikat personale, pasi që bëri edhe 20 asistime gjatë ndeshjes.

Te Clevelandi u dalluan, Isaiah Thomas me 24 pikë dhe LeBron James me 18 pikë. Jamesi për 7 pikë nuk arriti cakun e 30.000 pikëve në karrierën e tij.

TABELA AKTUALE

Oklahoma aktualisht ka bilanc prej 26 fitoreve dhe 20 humbjeve në Konferencën Perëndimore dhe gjendet në pozitën e pestë, ndërsa Clevelandi me 27 fitore e 18 humbje është në pozitën e tretë në Konferencën Lindore.