RTV 21 kalon Trepçën

Transferi i RTV 21-shit, Elvan Iljazi, që erdhi gjatë mini afatit kalimtar të dimrit në kryeqytet nga Bashkimi, ka shpërthyer në ndeshjen ndaj skuadrës më të dobët të elitës së basketbollit kosovar. 

Gjithsesi barrën kryesore e kanë mbajtur amerikanët, Brandon Roberson dhe Kendrick Jones, mirëpo mbrëmë nuk ka munguar as kontributi i lojtarëve tjerë. 

Jones shënoi 24 pikë, derisa Roberson dhe Iljazi shtuan nga 20 të tjera për fitoren 106-63 të Teleboysave ndaj vushtrriasve.

Në anën tjetër lojtarët e trajnerit Gazmend Merovci nuk kanë arritur për asnjë moment t’i bëjnë ballë Teleboysave, derisa janë mposhtur edhe në çerekun e fundit kur trajneri i RTV 21, Adin Adinovic, futi në lojë tërë bankën rezervë. 

Me këtë fitore Teleboysat ngritën kuotën e fitoreve në dhjetë krahas po aq humbjeve dhe me padurim presin që Bashkimi të arrijë fitore sot ndaj Trepçës si mysafir për t’ia mundësuar atyre barazimin në pikë me vendin e katërt. Për herë të parë këtë stinor RTV 21 ka arritur që të hyjë në zonën e play-offit, së paku derisa Trepça ta zhvillojë sot pasdite ndeshjen me Bashkimin, që pa marrë parasysh rezultatin, do ta kthejë kampionin në vendin e katërt. 

Tabela aktuale > http://borozani.com/tabelat/bkt-superliga

BKT SUPERLIGA, XHIROJA XX

RTV 21 - Kosova Vushtrri

102-63 Rezultati përfundimtar

(32-6; 19-23; 32-12 dhe 23-22) Rezultati sipas çerekëve

TOP 5 Koshashënuesit e RTV 21:

1	Kendrick Jones	24 pikë
2	Elvan Iljazi	20 pikë
3	Brandon Roberson	20 pikë
4	Driton Bajrami	16 pikë
5	Ersan Ozseven	8 pikë

TOP 5 Koshashënuesit e Kosovës:

1	Festim Fejzullahu	20 pikë
2	Arian Tahiri	11 pikë
3	Besmir Nuli	8 pikë
4	Anton Maloku	7 pikë
5	A. Deliqi	6 pikë